Buganda

Buganda is a Kinireich im haitigen Uganda in Afrika. S gibt 52 Clans, de zu Buganda ghean. In Buganda hams bis heit no an Kini.

Baganda (oana aloa hoaßt "Muganda") hoaßen d'Leid vo Buganda, eanane Sproch is Luganda. Dea haitige Landesnoma is as Swahili-Woat fia Buganda und is 1894 vo de britischen Beamten vom Protektorat übanomma woan. De Kini vo Buganda hoaßn Kabaka. Wemma üba de doudn Kinig spricht, no sogt ma Ssekabakka.

Vom 18. bis ins 20. Joahrhundat hod as Kinireich Buganda a bsundane Voamachtstellung im zentraln Afrika ghabt. De Gschicht vo Buganda gäht oba no daitlich weida zruck. Kuschitische und nilotische Wandahiartn, de wo se Hima oder Tutsi gnannt ham, san wahrscheinlich im 14. Jahrhundat ausm Norden oba kemma und ham se mid de Bantu vabandelt, de wo voahea scho do gwen san. Doraus han nochad do, wo's heit de Lända Uganda, Ruanda, Burundi, Tansania und Kenia (bei de letzdn zwoa betrifft des nua an Westn) gibt, a Haffa Kinireich entstondn, zu dene neba Buganda aa Bunyoro, Busoga, Ankole, Toro und as Kinireich Ruanda ghean. Heitzdog is Buganda a teilweise unabhägige Provinz vo Uganda.

Buganda liegt am Viktoriasää, grenzt im Ostn an dn Viktoria-Nil und im Nordn an dn Kyoga-Sää. Außadem lafft da Äquator duach Buganda und da Nil fangt do o.

De oide Hauptstod Entebbe und Kampala, de naiane, san in Buganda. De Gräba vo de Kini in Kasubi gheat zum Weidkuituaerbe vo da UNESCO.